काठमाडौं । पछिल्ल्लो २४ घण्टामा ३ हजार ५५३ जनामा कोरोना भाइरस संक्रमण पुष्टि भएको छ। यो संख्या पछिल्लो चार महिना यताकै धेरै हो ।

स्वास्थ्य तथा जनसंख्या मन्त्रालयका अनुसार आज  देशभरमा १५ हजार ०९१ नमूना परीक्षण गर्दा ३ हजार ५५३ जनामा संक्रमण पुष्टि भएको हो । जसमा पिसिआर परीक्षणबाट २ हजार ९२२ र एन्टिजेन परीक्षणबाट ६३१ जनामा संक्रमण पुष्टि भएको मन्त्रालयको तथ्यांकमा उल्लेख छ ।

यसअघि हिजो ३ हजार०७५ जनामा संक्रमण पुष्टि भएको थियो । यस्तै, पछिल्लो २४ घण्टामा २७१ जना संक्रमणमुक्त भएका छन् । यसअघि हिजो २७८ जना डिस्चार्ज भएका थिए।

यसैगरी, आज बिहिबार कोभिड–१९ को सङ्क्रमणबाट थप १ जनाको मृत्यु भएको छ । योसंगै हालसम्म कोरोनाबाट ज्यान गुमाउनेको संख्या ११ हजार ६१०  पुगेको छ।

हाल देशभर १४, ३४० जना कोरोना भाइरसका सक्रिय संक्रमित रहेका छन्।