काठमाडौं । संस्कृति पर्यटन तथा नागरिक उड्डयनमन्त्री प्रेमबहादुर आलेले नारायणहिटी संग्रहालयभित्र बतास समूह कसरी पस्यो भन्नेबारे छानबिनका लागि समिति गठन गरेका छन्।

मन्त्री आलेले बिहीबार मन्त्रीस्तरीय निर्णयबाट पर्यटन मन्त्रालयका सहसचिव होमप्रसाद लुईटेलको संयोजकत्वमा छानविन समिति गठन गरेका हुन् ।

समितिमा कर्मचारी प्रशासन शाखाका उपसचिव टेकनारायण पौडेल, आर्थिक व्यवस्थापन महाशाखाका लेखा नियन्त्रक सूर्यमणी गौतम र कानूनका उपसचिव पुरुषोत्तम खतिवडा सदस्य छन् । समितिको सदस्य सचिवमा शाखा अधिकृत टंकबहादुर नेगी छन् ।

समितिलाई तीन दिनभित्र छानबिन गरी प्रतिवेदन पेस गर्न निर्देशन दिइएको बताइएको छ ।

अर्को पनि पढ्नैपर्ने

नारायणहिटीको १ रोपनी जग्गा एभरेष्ट बैैंकलाई निःशुल्क प्रदान, ४ करोड घुसको चलखेल

अर्को पनि पढ्नैपर्ने

नारायणहिटीको जग्गा पनि अतिक्रमण भएको खुलासा