कैलाली । कैलालीमा गोरुगाडा पल्टिदा एक महिलाको मृत्यु भएको छ ।

भजनी नगरपालिका २ मोहनपुरस्थित सडकमा सोही ठाउँ बस्ने ४० वर्षीय शिबप्रसाद चौधरीले चलाइरहेको गोरुगाडा मंगलबार बेलुकी नालीमा पल्टिएर दुर्घटना हुँदा गोरुगाडामा सवार उनकै श्रीमती ३५ वर्षीया चन्द्रा देवी चौधरीको मृत्यु भएको हो ।

गम्भीर घाइते भएकी उनको प्राथमिक स्वास्थ्य केन्द्र भजनीमा उपचारको क्रममा मृत्यु भएको जिल्ला प्रहरी कार्यालय कैलालीले जनाएको छ ।

घटनाको थप अनुसन्धान भइरहेको प्रहरीले बताएको छ ।