काठमाडौं । नेकपा माओवादी केन्द्रका नवनिर्वाचित अध्यक्ष पुष्पकमल दाहाल ‘प्रचण्ड’ले पार्टीको महाधिवेशनमा नेतृत्व चयनलाई लिएर गरिएको टीकाटिप्पणीले आफू दु:खी रहेको बताएका छन्।

बुधबार केन्द्रीय कमिटीको पहिलो बैठकबाट पुन: अध्यक्षमा निर्विरोध निर्वाचित भएपछिको कार्यक्रमलाई सम्बोधन गर्दै प्रचण्डले यस्तो बताएका हुन्।

नेतृत्व चयन आफ्नो आदेशबाट नभएर लोकतान्त्रिक र जनवादी विधिबाट गरिएको प्रचण्डको भनाइ छ । उनले आफ्नो पार्टीको महाधिवेशनलाई अपमान गर्न खोजेको समेत बताए।

‘प्रचण्डको आदेशलाई ताली बजाऊ भनेर हाम्रो महाधिवेशनलाई अपमान गर्न खोजियो’ प्रचण्डले भने, ‘मलाई दुःख लागेको छ ।’

हेर्नुहोस् भिडियो: