काठमाडौं । पछिल्लो २४ घण्टामा थप २१६ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज ७,६३१ जनामा परीक्षण गर्दा २१६ जनामा संक्रमण पुष्टि भएको हो ।

यस्तै, पछिल्लो २४ घण्टामा २०९ जना संक्रमणमुक्त भएका छन् ।

यसैगरी, आइतबार कोरोनाका कारण २ जनाको मृत्यु भएको छ । योसँगै  नेपालमा कोरोना संक्रमणबाट मृत्यु हुनेको संख्या ११ हजार ५ सय ९६ पुगेको छ।

हाल देशभर ४,९७१ जना कोरोना भाइरसका सक्रिय संक्रमित रहेका छन्।