काठमाडौँ । भारतीय विदेश मन्त्रालयले अरुणाचल प्रदेशका केही ठाउँको नाम परिवर्तन गर्ने चीनको कदमप्रति कडा आपत्ति जनाएको छ । अरुणाचल प्रदेश सधैं भारतको अभिन्न अंग रहेको र जारी रहने मन्त्रालयको दाबी छ।

भारतीय संचारमाध्यमका अनुसार भारतको परराष्ट्र मन्त्रालयले यसबारेमा आएका समाचारहरुको जवाफ दिँदै विगतमा पनि चीनले यस्तो गर्दै आएको तर सत्यतामा परिवर्तन नहुने बताएको छ ।

यसअघि चीनले अरुणाचल प्रदेशका १५ स्थानका लागि चिनियाँ, तिब्बती र रोमन भाषामा नयाँ नामको सूची सार्वजनिक गरेको थियो। चिनियाँ कम्युनिष्ट पार्टीको मुखपत्र मानिने अंग्रेजी दैनिक ग्लोबल टाइम्सले बिहीबार यससँग सम्बन्धित समाचार समेत प्रकाशित गरेको छ ।

समाचारमा भनिएको छ कि चीनको नागरिक मामिला मन्त्रालयले बुधवार घोषणा गरेको छ कि यसले जांगनान (अरुणाचल प्रदेशको चिनियाँ नाम) को 15 स्थानको नाम चिनियाँ, तिब्बती र रोमनमा जारी गरेको छ।

Standardized names of places in Zangnan (southern part of Xizang) and China’s first national law on protection and exploitation of land border areas, are important moves to safeguard sovereignty: experts https://t.co/5G2wd8LnED

— Global Times (@globaltimesnews) December 30, 2021