काठमाडौं । पछिल्लो २४ घण्टामा थप २४१ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार आज ८,८९७ जनामा परीक्षण गर्दा २४१ जनामा संक्रमण पुष्टि भएको हो ।

यस्तै, पछिल्लो २४ घण्टामा २२८ जना संक्रमणमुक्त भएका छन् ।

यसैगरी, बुधबार कोरोनाका कारण  कसैको पनि मृत्यु भएको छैन । हालसम्म नेपालमा कोरोना संक्रमणबाट मृत्यु हुनेको संख्या ११ हजार ५ सय ९० रहेको छ।

हाल देशभर ४,८७१ जना कोरोना भाइरसका सक्रिय संक्रमित रहेका छन्।