काठमाडौँ । नेकपा माओवादी केन्द्रको जारी आठौं राष्ट्रिय महाधिवेशन अन्तर्गत बन्दसत्रको चौंथो दिन विवाद भएको छ ।

महाधिवेशनमा सहभागी एक नेताका अनुसार आजको बैठकमा नेता गिरिराजमणि पोखरेल र उनको समूहको भूमिकामाथि प्रश्न उठेपछि विवाद उत्पन्न भएको हो ।

बुधबार कमलादीस्थित बन्दसत्रमा समूहगत छलफलको निष्कर्ष सुनाउने क्रममा प्रदेश २ का टोली नेता सत्यनारायण भगतले पूर्व शिक्षामन्त्री समेत रहेका गिरिराजमणि लगायतमाथि कारबाही हुनुपर्ने आवाज उठाएपछि विवाद भएको हो । सो विषयमा असन्तुष्टि जनाउँदै पोखरेल बिहीबारको बन्दसत्रमै अनुपस्थित रहेका थिए।

यस्तै, गिरिराजमणि समूहकै नेतृत्व गर्ने नारायणकाजी श्रेष्ठ समेत आजको बन्दसत्रमा ढिलागरी उपस्थित भएका थिए । उक्त कार्यक्रममा भगतले नारायणकाजी समेतको सहयोगमा गिरीराजमणि र उनी निकटकाले धनुषामा सहिद रामवृक्ष यादवको शालिक हटाएर निर्मल लामाको शालिक राख्ने तयारी गरेको आरोप लगाएका थिए ।

बन्दसत्रमा दुई नेताद्वय पोखरेल र श्रेष्ठ उपस्थित नहुनुलाई उनीहरुले आजको कार्यक्रम नै बहिस्कार गरेको उनीनिकट नेताहरु बताउछन्।

महाधिवेशन गत पुष ११ गतेदेखि सुरु भएको थियो। अहिले बन्दसत्रमा टोली नेताहरुले प्रस्तुति दिइरहेका छन्।