काठमाडौं । जिल्ला अदालत काठमाडौंले सिभिल सहकारीकोअर्बौ ठगी मुद्दामा व्यापारी तथा पूर्व सांसद इच्छाराज तामाङलाई जेल पठाउने आदेश दिएको छ।

जिल्ला अदालत काठमाडौंले उनलाई पुर्पक्षका लागि जेल पठाउने आदेश दिएको हो ।

तामाङले सहकारीको पैसा आफ्ना कम्पनीमा लगाएर निक्षेपकर्तालाई फिर्ता नगरी  ठगी गरेका थिए ।

केन्द्रिय अनुसन्धान व्युरो ( सिआईबी)ले उनलाई ५ अर्ब ६७ करोड बिगो माग दाबी गर्दै जिल्ला सरकारी वकिलको कार्यालय, काठमाडौंमा अनुसन्धान प्रतिवेदन बुझाएको थियो ।

अदालतले सञ्चालक समिति अध्यक्ष केशवलाल श्रेष्ठलाई पनि थुनामा पठाउन आदेश दिएको छ । ९ जनालाई धरौटी र एक जनालाई साधारण तारेखमा छाड्न आदेश भएको छ । ठगी मुद्दामा इच्छाराज तामाङविरुद्ध एक हजार ४९९ जनाले किटानी जाहेरी दिएका थिए ।