काठमाडौँ। कांग्रेसको जिल्ला अधिवेशन हुन बाँकी १६ जिल्लाको अधिवेशन यही पुस २७ गते हुने भएको छ ।

कांग्रेसको निर्वाचन समितिले एक सूचना जारी गर्दै पुस २७ गते अधिवेशन गर्ने मिति तोकेको छ ।

महाधिवेशन सम्पन्न भइसकेपछि ती जिल्लाको अधिवेशन हुन लागेको हो ।

सप्तरी, सिरहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर, सिन्धुपाल्चोक, चितवन, बाँके, कैलाली, अछाम र नवलपुर जिल्लाको अधिवेशन पुस २७ मा हुने निर्वाचन समितिले जनाएको छ ।