एजेन्सी। इंग्लिस प्रिमियर लिग फुटबल अन्तर्गत आइतबार राति भएको खेलमा शीर्ष स्थानको म्यानचेस्टर सिटीले प्रभावशाली जित निकाल्दै अग्रता बढाएको छ ।

घरेलु मैदानमा भएको खेलमा म्यानचेस्टर सिटीले लेस्टर सिटीलाई ६–३ ले पराजित गरेको हो ।

सिटीका लागि रहीम स्ट्रर्लिङले दुई (२५ औँ मिनेटमा पेनाल्टी, ८७ औँ मिनेट) तथा केवीन डी ब्रूयना, रियाद महरेज, इल्केयी गुण्डोगान र लापोर्तेले एक–एक गोल गरे ।

लेस्टर सिटीका लागि म्याडिसन, लूकम्यान र इहिनाचोले गोल गरेका हुन् ।

जितपछि शीर्ष स्थानको म्यानचेस्टर सिटीको १९ खेलबाट ४७ अंक भएको छ । एक खेल कम खेलेको दोस्रो स्थानको लिभरपुल भन्दा ६ अंकको अग्रता कायम गरेको छ ।