काठमाडौं । महान्यायाधिवक्ता खम्मबहादुर खातीले पछिल्लो समय न्यायपालिकामा देखिएको समस्यामा चाँडै निकास दिन प्रधानमन्त्री शेरबहादुर देउवालाई आग्रह गरेका छन् ।

बिहीबार महान्यायाधिवक्ता कार्यालयको ७१ औं स्थापना दिवसको कार्यक्रममा महान्यायाधिवक्ता खातीले न्यायालयमा देखिएको समस्यालाई चाँडो भन्दा चाँडो निकास दिन आग्रह गरेका हुन् ।

पछिल्लो समय सर्वोच्च अदालतमा प्रधानन्यायाधीश चोलेन्द्रशम्शेर जबराको राजीनामा माग गर्दै नेपाल बार एशोसिएसनले दुई महिना भन्दा अघिदेखि आन्दोलन गरिरहेको छ ।

कार्यक्रममा प्रधानमन्त्री देउवाले देशमा विधिको शासन कायम गर्न सरकारी वकिलको महत्वपूर्ण भूमिका रहेको बताउदै न्यायालयमा देखिएको समस्यालाई आफूले गम्भीर रुपमा लिएको बताए।