काठमाडौँ । पछिल्लो २४ घण्टामा थप २९० जनामा कोरोना भाइरस सङ्क्रमण पुष्टि भएको छ ।

स्वास्थ्य तथा जनसङ्ख्या मन्त्रालयका अनुसार १७ हजार ०८९ जनामा कोरोना परीक्षण गर्दा २९० मा सङ्क्रमण पुष्टि भएको जनाइएको छ ।

यससँगै सक्रिय सङ्क्रमित सङ्ख्या नेपालमा पाँच हजार २४२ पुगेको छ । संक्रमितको संख्या पछिल्ला केही दिनभन्दा आज बढेको मन्त्रालयको तथ्यांकले जनाएको छ।

यस्तै, पछिल्लो समय थप २३२ जना कोरोनाबाट निको भएर घर फर्किएका छन् । यससँगै निको  हुनेको सङ्ख्या आठ लाख ९ हजार ३८७  पुगेको छ । निको हुने दर ९८ प्रतिशत रहेको मन्त्रालयले जनाएको छ ।

यसैगरी, पछिल्लो २४ घण्टामा कोरोनाबाट थप ३ जनाको मृत्यु भएको छ । योसँगै कोरोनाबाट मृत्यु हुनेको सङ्ख्या ११ हजार ५७७ पुगेको छ ।

त्यसैगरी पछिल्लो समय २ लाख ४७ हजार ८१४ जनाले कोरोना भाइरसविरुद्धको खोप लगाएका छन् ।