महोत्तरी  । तीन दिनदेखि बेपत्ता महोत्तरीको मट्टीहानीकी एक महिला मृत अवस्थामा भेटिएकी छन् ।

मट्टीहानी नगरपालिका वडा नम्वर ३ बर्दाहकी २२ वर्षीया रुक्सार खातुन मृत भेटिएकी हुन् । खातुन हराएको भन्दै उनका आफन्तले प्रहरी चौकी धिरापुरमा मौखिक जानकारी दिएका थिए ।

खोजी गर्दा उनी घर नजिकैको सार्वजनिक पोखरीमा मृत अवस्थामा फेला पारेको जिल्ला प्रहरी कार्यालय महोत्तरीले जनाएको छ ।

प्रहरीका अनुसार शव पोष्टमार्टमका लागि जलेश्वर अस्पताल ल्याइएको छ ।

घटनाबारे अनुसन्धान भइरहेको जिल्ला प्रहरी कार्यालय महोत्तरीका प्रवक्ता प्रकाश विष्टले जानकारी दिए ।