काठमाडौँ । काठमाडौंको प्रदर्शनीमार्गस्थित रत्नराज्यलक्ष्मी (आरआर) क्याम्पसका विद्यार्थीले शिक्षकलाई कुटेका छन् ।

विद्यालय स्रोतका अनुसार स्नातक तहको आन्तरिक परीक्षा दिइरहेका छात्र कुवेर जेठाराले चिट चोर्न नदिएको भन्दै शिक्षक प्रकाश पुडासैनीलाई कुटपिट गरेका हुन् ।

कुटपिटपछि पुडासैनीको टाउकोमा चोट लागेको छ । उनलाई बागबजारस्थित काठमाडौं मोडल अस्पतालमा उपचारका लागि भर्ना गरिएको छ ।

उनीमाथि आक्रमण गर्ने विद्यार्थी फरार रहेको र प्रहरीले उनको खोजीमा लागेको  विद्यालय स्रोतले जनाएको छ ।

शिक्षक पुडासैनी सोही कलेजमा ब्याचलर इन सोसल वर्क (बिएसडब्ल्यु) पढाउँदै आएका थिए।