काठमाडौँ । अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी)को सुरुदेखि विरोध गर्दै आएका नेकपा एमालेका नेता डा भीमबहादुर रावलले फेरि पनि उक्त सम्झौता राष्ट्रघाती नै भएको टिप्पणी गरेका छन् ।

शनिबार प्रधानमन्त्री शेरबहादुर देउवाले आज आइतबारका लागि सर्वदलीय बैठक बोलाएसँगै उक्त बैठकमा हुने छलफल एमसीसीको बिषयमा हुन नहुने नेता रावलको भनाइ छ।

नेता रावलले सामाजिक सञ्जालमा भनेका छन्, ‘एमसीसीबारेको सर्वदलीय बैठक, राष्ट्र र जनताप्रति गद्धारीको सर्वदलीय बैठक नबनोस्,वाह्य रकममा राष्ट्रिय स्वाधीनतालाई समर्पण गर्न खोज्नु विदेशीको नांगो दलाली हो।’

ट्विटरमा उनले लेखेका छन्, ‘जननी जन्मभूमिश्च स्वर्गादपि गरियसी !’

एमसीसीसंगको सम्झौताबारे प्रमंले बोलाउनु भएको सर्वदलीय बैठक,सम्झौताका राष्ट्रघाती प्रावधान नहटाई अनुमोदन गर्ने राष्ट्र र जनताप्रति गद्धारीको सर्वदलीय बैठक नबनोस्।वाह्य रकममा राष्ट्रिय स्वाधीनतालाई समर्पण गर्न खोज्नु विदेशीको नांगो दलाली हो।जननी जन्मभूमिश्च स्वर्गादपि गरियसि !

— Dr. Bhim Rawal (@BhimRawal179) December 18, 2021