Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
शुक्रवार, जेठ २२ गते २०८३
Jun 05 2026 | २०८३, जेठ २२ गते
05 Jun 2026 | शुक्रवार, जेठ २२ गते २०८३
काठमाडौं । कांग्रेस नेता तथा महामन्त्रीका प्रत्याशी गगन थापाले नवनिर्वाचित सभापति शेरबहादुर देउवालाई बधाई दिएका छन् ।
कांग्रेस नेतृत्व परिवर्तन गर्नुपर्छ भनेर डा. शेखर कोइराला प्यानलबाट चुनाव लडेका थापाले सभापति देउवासँग समुन्नत नेपालको अभियान र पार्टी रूपान्तरणका मुद्दामा सहकार्य हुने बताएका छन् ।
बुधबार बिहान सामाजिक सञ्जाल ट्वीटरमार्फत देउवालाई बधाई दिँदै थापाले पार्टीलाई थिति र विधिमा चलाउने परम्पराको सुरुवात गर्ने अपेक्षा व्यक्त गरेका हुन् ।
थापाले ट्वीटरमा लेखेका छन्–‘आदरणीय शेरबहादुर देउवा ज्यू,पुनः सभापतिमा निर्वाचित हुनुभएकोमा हार्दिक बधाई १ आम कांग्रेसजनको एकताको अपेक्षालाई आत्मसात गर्दै पार्टीलाई थिति र विधिमा चलाउने परम्पराको शुरुआत गर्नु हुनेछ भन्ने अपेक्षा गर्छु। समुन्नत नेपालको अभियान र पार्टी रुपान्तरणका मुद्दामा सहकार्य हुने नै छ।’
प्रधानमन्त्री देउवा कांग्रेसको १४ औँ महाधिवेशनबाट पुनः सभापतिमा निर्वाचित भएका हुन् । दोस्रो चरणको मतदानमा शेखर कोइरालालाई ८ सय ७८ मतले पराजित गर्दै उनी सभापति बनेका हुन् ।
सोमबार भएको मतदानमा कसैले पनि ५० प्रतिशत मत ल्याउन नसकेपछि बढी मत ल्याउने दुई जनाबीच मंगलबार पुनः निर्वाचन गराएर कांग्रेसको नेतृत्व चयन गरिएको थियो ।
https://twitter.com/thapagk/status/1470982114111676428
© 2026 All right reserved to onlinenepal.com
Design & Developed By
