काठमाडौं । गृहमन्त्री समेत रहेका नेपाली कांग्रेसका नेता तथा केन्द्रीय सदस्यका उम्मेदवार बालकृष्ण खाँणले प्रधानमन्त्री समेत रहेका वर्तमान सभापति शेरबहादुर देउवालाई पुनः सभापतिमा जिताउन आफू ‘ब्याक’ भएको बताएका छन् ।

निर्वाचनको पहिलो चरणमै आफूहरूले जित्ने दाबी गर्दै मतदानपछि नेता खाँणले दोस्रो चरणको चुनावमा जानु नपर्ने ठोकुवा गरे ।

महाधिवेशनभन्दा अघि नेता खाँणले महामन्त्रीमा उम्मेदवारी दिने चर्चा थियो । यसबारे पत्रकारहरुले राखेको जिज्ञासामा खाँडले सभापति पदका देउवालाई जिताउन आफूले महामन्त्रीमा उम्मेदवारी दाबी छोडको बताएका हुन् ।

उनले भने–‘पुस्तान्तरणको कुरा बहसमा छ तर पार्टीमा अहिले पुस्तान्तरण हैन रूपान्तरण गरेर आगामी तीन तहको चुनावमा जिताउन सक्ने भूमिका खेल्नसक्ने नेता चाहिएको छ। मैले सभापतिलाई जिताउन महामन्त्रीमा दाबी छाडें ।’