काठमाडौं । विनाकसुर भारतीय जेलमा ४० वर्ष बिताएर रिहा भएका इलामका दुर्गाप्रसाद तिम्सिना (दीपक जैसी)लाई भारु पाँच लाख रुपैयाँ क्षतिपूर्ति दिन कलकत्ताको उच्च अदालतले पश्चिम बंगाल सरकारलाई आदेश दिएको छ ।

गत ७ डिसेम्बर मुख्य न्यायाधीश प्रकाश श्रीवास्तव र न्यायाधीश राजषिर् भारद्वाजको संयुक्त इजलासले तिम्सिनाको खातामा तत्काल भारु पाँच लाख अर्थात नेपाली आठ लाख रुपैयाँ जम्मा गर्न आदेश दिएको हो ।

इलामको माई नगरपालिका-१० बाट दुर्गाप्रसाद १९ वर्षको छँदा काम खोज्दै दार्जिलिङ पुगेका बेला युवतीको हत्या आरोपमा पक्राउ परेका थिए ।

आरोप प्रमाणित नभएपछि २०७७ चैत ७ गते दुर्गाप्रसाद  रिहा भएका थिए।

हेर्नुहोस् अदालतको आदेश: