एजेन्सी। भारतीय प्रधानमन्त्री नरेन्द्र मोदीले देशको पहिलो चीफ अफ डिफेन्स स्टाफ (सिडीएस ) जनरल बिपिन रावतको मृत्युमा शोक व्यक्त गर्दै उनलाई ‘उत्कृष्ट सिपाही र साँचो देशभक्तको रूपमा वर्णनगरेका छन् ।

सीडीएस जनरल विपिन रावतको आज (बुधवार) हेलिकप्टर दुर्घटनामा निधन भएको छ। हेलिकप्टर दुर्घटनामा रावतकी पत्नी मधुलिका रावतसहित ११ जनाको मृत्यु भएको थियो ।

जनरल रावतको निधनमा अमेरिका, इजरायल र पाकिस्तानलगायत धेरै देशले शोक व्यक्त गरेका छन् ।

भारतीयप्रधानमन्त्री नरेन्द्र मोदीले जनरल रावतसँगको आफ्नो तस्विर ट्विटरमा सेयर गरेका छन् ।

मोदीले लेखेका छन्, ‘जनरल विपिन रावत एक महान सिपाही थिए। उहाँ सच्चा देशभक्त हुनुहुन्थ्यो । उहाँले हाम्रो सशस्त्र बल र सुरक्षा उपकरणको आधुनिकीकरणमा महत्त्वपूर्ण योगदान दिनुभयो । रणनीतिक मामिलामा उहाँको बुझाइ र दृष्टिकोण असाधारण थियो। उहाँको निधनले म गहिरो शोकमा छु । ऊ शान्ति।’