एजेन्सी । पछिल्लो समय कोरोना भाइरसको नयाँ भेरियन्ट अर्थात् ओमिक्रोन संसारभर पुन: फैलिदै गएको छ । केही हप्ताअघि मात्र अफ्रिकाका देशहरुमा देखा परेको यो भाइरस छोटो समयमा विश्वका प्राय देशहरुमा फैलिसकेको छ।

ओमिक्रोनकै कारण अमेरिकाले फ्रान्सलगायत अन्य ६ मुलकहरुलाई यात्राको लागि उच्च जोखिमको सूचीमा राखेको छ।

सिएनएनका अनुसार अमेरिकाको रोग नियन्त्रण तथा रोकथाम केन्द्रले फ्रान्सलगायत साइप्रस, एन्डोरा, जोर्डन, पोर्चुगल, तान्जानिया र लिकटेन्सटाइनलाई ओमिक्रोनको उच्च जोखिमको सुचीमा राखेको छ।

सो केन्द्रले फ्रान्स, साइप्रस, एन्डोरा, जोर्डन, पोर्चुगल, तान्जानिया र लिकटेन्सटाइनलाई नयाँ भेरियन्टको उच्च जोखिम भन्दै लेबल ४ मा राखेको समाचारमा उल्लेख गरिएको छ ।

केन्द्रमा टर्की, सिंगापुर, बारबाडोस, मलेसिया र केम्यान टापुलाई समेत उच्च जोखिम भन्दै लेबल ४ मा नै राखिएको छ।