काठमाडौं । महानगरीय प्रहरी परिसर काठमाडौँले चोरी मुद्धाका फरार प्रतिवादीलाई पक्राउ गरेको छ ।

पक्राउ पर्नेमा नुवाकोट विदुर नगरपालिका १३ घर भइ काठमाडौं महानगरपालिका-३ बसुन्धारा बस्‍दै आएका ३८ वर्षीय कुमार भन्‍ने तेजबहादुर मगर रहेका छन् ।

प्रहरीका अनुसार काठमाडौं जिल्ला अदालतले २०७३ चैत १७ गते ल्‍यापटप चोरी मुद्धामा उनीविरुद्ध २२ लाख ११ हजार ९६० रुपैयाँ जरिवाना सुनाएको थियो ।

पक्राउ परेका उनलाई फैसला कार्यान्वयनको लागि जिल्ला अदालत काठमाडौँमा  उपस्थित गराइएको महानगरीय परिसरले जनाएको छ ।

यसअघि पनि उनी डाँका मुद्धामा ८ वर्ष कैद भुक्तानी गरी जेलमुक्त भएको प्रहरीले उल्लेख गरेको  छ।