एजेन्सी । नागाल्याण्डमा सुरक्षा बलको कारबाहीमा धेरै सर्वसाधारणको हत्याको बारेमा मोन जिल्लाको तिजित पुलिस स्टेशनमा 21 औं प्यारा मिलिटरी फोर्स विरुद्ध एफआईआर दर्ता गरिएको छ।

एफआईआरमा भनिएको छ, ‘डिसेम्बर ४ मा कोइला खानीमा काम गर्ने मजदुरहरू कारमा तिरुबाट आफ्नो गाउँ ओटिङ फर्किरहेका थिए । तिरु र ओटिङ गाउँको बीचमा रहेको लङखाओमा पुगेपछि सुरक्षाकर्मीले बिना कुनै उत्तेजित गाडीमा गोली चलाउँदा ओटिङ गाउँका कैयौंको ज्यान गएको थियो भने कैयौं घाइते भएका थिए ।

घटनाका बेला न प्रहरी गाइड नै थिए न त प्रहरीसँग माग नै थियो । सुरक्षा बलको यो कारबाहीमा प्रहरी गाईड उपलब्ध गराउने स्टेसनले सुरक्षा बलको नियत सर्वसाधारणलाई मार्ने र घाइते बनाउने नै थियो भन्ने स्पष्ट हुन्छ ।’

नागाल्याण्डको मोन जिल्लाको तिरु क्षेत्रमा शनिबार राति सुरक्षा बलको कारबाहीमा कम्तीमा १३ जनाको मृत्यु भएको थियो । यो क्षेत्र म्यानमारको सिमाना नजिक छ।

घटनाबारे छानबिन गर्न प्रदेश सरकारले पाँच सदस्यीय समिति गठन गरी एक महिनाको समय दिएको जनाइएको छ।

घटना के हो ?

भारतीय संचारमाध्यमहरुका अनुसार उग्रवादी संगठन एनएससीएनसँग जोडिएको आशङ्कामा सुरक्षाकर्मीहरूले उनीहरूमाथि गोली चलाएको बताइएको छ ।

मिडिया रिपोर्टका अनुसार गोप्य सूचनाका आधारमा उग्रवादी संगठनविरुद्ध कारबाहीका लागि सुरक्षाकर्मी तिरु–ओटिङ सडकमा एम्बुसमा बसेका थिए । तर उनीहरूले गाउँलेलाई विद्रोही सम्झेर गोली बर्साए ।

गोप्य सूचनामा जुन रङ्गको गाडी भनिएको थियो, गाउँलेहरू त्यस्तै रङ्गको गाडीमा सवार भएर आएका थिए । गाडीको रंग एउटै पाएपछि सुरक्षाकर्मीहरूले उनीहरूमाथि गोलाबारी सुरु गरेको समाचारमा उल्लेख छ।

भारतीय मिडियाका अनुसार मारिने सबै मजदुर थिए । उनीहरू कामपछि एक पिकअप ट्रकको पछाडि बसेर घर फर्किँदै थिए । रातिसम्म घर नपुगेपछि गाउँलेहरूले उनीहरूको खोजी सुरु गरेका थिए । घटनाबारे थाहा पाएपछि आक्रोशित बनेका गाउँलेले सुरक्षाकर्मीको गाडीमा आगजनी गरेका थिए ।

नागाल्याण्डका मुख्यमन्त्री नीफियू रियोले यस घटनालाई निन्दनीय बताएका छन् । उनले उनले यसबारे उच्चस्तरीय जाँच गरिने बताएका छन् । उनीले सबैलाई न्याय दिलाउने वाचा गर्दै शान्ति कायम गर्न अपिल गरेका छन् ।

The unfortunate incident leading to killing of civilians at Oting, Mon is highly condemnable.Condolences to the bereaved families & speedy recovery of those injured. High level SIT will investigate & justice delivered as per the law of the land.Appeal for peace from all sections

— Neiphiu Rio (@Neiphiu_Rio) December 5, 2021

त्यस्तै केन्द्रीय गृहमन्त्री अमित शाहले पनि ट्वीट गर्दै घटनालाई दुर्भाग्यपूर्ण बताउँदै आफू यसबाट आफू दुखी भएको बताएका छन् । उनले पीडित परिवारप्रति गहिरो समवेदना प्रकट गर्दै न्याय दिलाउने बताएका छन् । बीबीसी हिन्दी

Anguished over an unfortunate incident in Nagaland’s Oting, Mon. I express my deepest condolences to the families of those who have lost their lives. A high-level SIT constituted by the State govt will thoroughly probe this incident to ensure justice to the bereaved families.

— Amit Shah (@AmitShah) December 5, 2021