काठमाडौं । भारत, बेलायत र अमेरिकाका लागि प्रस्तावित राजदूतको संसदीय सुनुवाइ आज हुँदैछ ।

सुनुवाइका लागि बिहान ११ बजे संसदीय सुनवाइ विशेष समितिको बैठक बस्दैछ ।

यससघि ५ र १७ मंसिरका लागि सुनुवाइ निर्धारण भए पनि कोरम नपुगेपछि स्थगित गरिएको थियो । १५ सदस्यीय समितिमा अहिले ११ सदस्य रहेका छन् ।

गत ११ कात्तिमा बसेको मन्त्रिपरिषद्ले भारतका लागि शंकर शर्मा, बेलायतका लागि ज्ञानचन्द्र आचार्य र अमेरिकाका लागि श्रीधर खत्रीलाई राजदूत सिफारिस गरेको थियो।

समितिले १० दिने उजुरी आह्वान गरेर सुनुवाइका लागि बैठक बोलाए पनि कोरम नपुगेका कारण सुनुवाइ नै हुन सकेको छैन ।

संसदीय सुनुवाइले अनुमाेदन गरेपछि राष्ट्रपतिबाट राजदूत नियुक्त हुने संवैधानिक व्यवस्था छ ।