एजेन्सी । म्यानमारमा सेनाले प्रदर्शनकारीहरूमाथि गाडी कुदाउँदा पाँच जनाको मृत्यु भएको छ ।

समाचार संस्था रोयटर्सका अनुसार आइतबार दिउँसो रंगुनमा भएको उक्त घटनामा १५ जना घाइते भएका छन्।

सामाजिक सञ्जालमा सार्वजनिक भएका तस्बिर र भिडियोमा सडकमा प्रदर्शनकारी हुँदा एउटा सैनिक गाडी बेतोडले आएको देखिन्छ । केही प्रदर्शनकारीलाई किचेर गाडी अघि बढेका थियो ।

म्यानमार गत वर्ष फेब्रुअरी १ मा सेनाले प्रजातान्त्रिक सरकारलाई हटाएर कू गरेको थियो । त्यसयता जुन्ता शासनविरूद्ध भएका प्रदर्शनमा १ हजार ३ सयभन्दा बढी मानिसको मृत्यु भएको छ। सैनिक शासनविरूद्ध अहिले पनि प्रदर्शन भइरहेका छन्।

म्यानमारको छाया सरकारले शान्तिपूर्ण प्रदर्शनकारीलाई सैनिक गाडीले कुल्चेर मारेको र गोली हानेको घटना हृदयविदारक भएको बताएको छ ।

हेर्नुहोस् भिडियो:

At least four people were killed due to SAC vehicle drives through a group of protesters and opened fire at Pan Pin Gyi Road in Kyeemyindaing, Rangoon on Sunday pic.twitter.com/Jrk0qgdTp0

— soe zeya tun (@soezeya) December 5, 2021