एजेन्सी । इजिप्टका एक श्रीमानले छिमेकीकाे लुगा फिर्ता गर्न नमानेपछि आफ्नै श्रीमतीसँग सम्बन्ध बिच्छेद गरेका छन् ।

प्राप्त समाचार अनुसार २२ वर्षीया ती महिलाले बिदाकाे दिन घुम्न निस्किदा छिमेकीकाे लुगा मागेकी थिइन् । तर, बिदा मनाएर फर्किएपछि पनि उनले लुगा फिर्ता गरिनन् जसका कारण उनकाे पति उनीसँग रिसाएका थिए।

आफ्नो लुगा फिर्ता माग्दा ती युवतीले छिमेकीलाई मानिस लगाएर कुट्ने धम्की समेत दिएकी थिइन् । लामाे समयसम्म लुगा फिर्ता नगरेपछि छिमेकीले ती युवतीका श्रीमानलाई गुनासाे गरेकी थिइन् ।

श्रीमतीलाई छिमेकीकाे लुगा फिर्ता गर्न बारम्बार आग्रह गर्दा पनि नमानेपछि बाध्य भएर सम्बन्ध बिच्छेदकाे निर्णयमा पुगेकाे श्रीमानको भनाइ छ।