काठमाडौँ । नेकपा (माओवादी केन्द्र) का सांसद रामनारायण बिडारीले प्रधानन्यायाधीश चोलेन्द्र शमसेर जबरालाई महाअभियोग लगाउनकै लागि संसद बैठक डाकिएको बताएका छन्।

शुक्रबार काठमाडौंमा आयोजित एक कार्यक्रममा बोल्दै बरिष्ठ अधिवक्ता समेत रहेका बिडारीले प्रधानन्यायाधीश जबरालाई महाअभियोग लगाउन दलहरुबीच छलफल भइरहेको दाबी समेत गरे।

प्रधानन्यायाधीश जबरालाई महाअभियोग लगाएर पदच्यूत गर्न सकिने आधार पर्याप्त रहेको सांसद बिडारीको भनाइ छ । बिडारीले प्रधानन्यायाधीश जबरालाई भ्रष्टको संज्ञा दिँदै छानबिनका लागि ११ सदस्यीय संसदीय छानबिन समिति गठन हुने दाबी समेत गरे।