जाजरकोट। जिल्ला प्रहरी कार्यालय जाजरकोटले दुर्लभ बन्यजन्तु रेडपाण्डा छालासहित २ जनालाई पक्राउ गरेको छ।

पक्राउ पर्नेमा बारेकोट गाउँपालिका-८का ३५ वर्षीय लोक बहादुर रोकाय र सोही ठाउँ बस्ने २० वर्षीय गोरख बहादुर रोकाय रहेका छन् ।

उनीहरुलाई सेपुखोलास्थित कौशीला कटेज एण्ड रेष्टुरेन्टबाट रेडपाण्डाको १ थान छालासहित बुधबार प्रहरीको टोलीले पक्राउ गरेको हो।

यस सम्बन्धमा प्रहरीले थप अनुसन्धान गरिरहेको जनाएको छ ।