काठमाडौं । राष्ट्रिय प्रजातन्त्र पार्टी (राप्रपा)को एकता महाधिवेशन सुरु भएको छ ।

बुधबार काठमाडौंको भृकुटीमण्डपमा स्वस्तिक वाचन गरेर महाधिवेशनको उद्घाटन गरिएको हो । महाधिवेशनमा झण्डै ४ हजार ४ सय प्रतिनिधि सहभागी हुने बताइएको छ।

आगामी नेतृत्वका लागि कमल थापा र राजेन्द्र लिङ्देनको अध्यक्ष पदमा उम्मेदवारी घोषणा भएको छ । महाधिवेशनले १४७ सदस्यीय नयाँ कार्यसमिति चयन गर्नेछ।

शुक्रबारसम्म चल्ने महाधिवेशनको उद्घाटन सत्रमा नेकपा (एकीकृत समाजवादी)का अध्यक्ष तथा पूर्व प्रधानमन्त्री माधवकुमार नेपालसहितका नेताहरुको सहभागीता रहेको छ।