मोरङ। जिल्ला प्रहरी कार्यालय मोरङले सादा पोशाकको प्रहरी हुँ भन्दै स्थानिय व्यापारीहरूसँग रकम माग गरेको अभियोगमा एक युवकलाई पक्राउ गरेको छ।

पक्राउ पर्नेमा विराटनगर महानगरपालिका-१२ बस्ने ३१ वर्षीय पुष्प राज चेम्जोङ रहेका छन्।

उनलाई विराटनगर महानगरपालिका-१५ स्थित दक्षिण गेटबाट शुक्रबार प्रहरीले पक्राउ गरेको हो।

उनले उक्त गेट क्षेत्रमा प्रहरी हुँ भन्दै व्यापारीसँग रकम माग गर्दै गरेको अवस्थामा ईलाका प्रहरी कार्यालय रानीबाट खटिएको प्रहरीले उनलाई पक्राउ गरेको हो ।

उनीमाथि थप अनुसन्धान गरिरहेको जिल्ला प्रहरी कार्यालय मोरङले जनाएको छ ।