चितवन । केन्द्रीय कमिटीको प्रस्ताव गर्ने सर्वाधिकार आफूमा लिएका नेकपा एमालेका अध्यक्ष केपी शर्मा ओलीले आफ्नै पक्षका नेताहरुलाई समेत मिलाउन सकेका छैनन् ।

ओलीले अहिलेसम्म पदाधिकारीमै सहमति जुटाउन सकेका छैनन् । ओलीलाई सबैभन्दा बढी वरिष्ठ उपाध्यक्ष र महासचिवमै सहमति गर्न सकस भएको छ ।

ओलीले वरिष्ठ उपाध्यक्षमा ईश्वर पारेखलको नाम अघि सारेका छन् । अर्का दावेदार सुवास नेम्वाङलाई उपाध्यक्षमा प्रस्ताव गरेका छन् । तर, एमाले संसदीय दलका उपनेता समेत रहेका नेम्वाङले वरिष्ठ उपाध्यक्षमा दाबी छाडेका छैनन् ।

ओलीले पोखरेललाई वरिष्ठ उपाध्यक्ष बनाएर नेम्वाङलाई उपाध्यक्ष बनाउन चाहेका छन् । तर नेम्वाङले पोखरेललाई नेता नमान्ने सन्देश पठाएका छन् ।

पूर्व सभामुखसमेत रहेका नेम्वाङले प्रदेश १ का पूर्वमुख्यमन्त्रीसमेत रहेका शेरधन राईलाई आफूले ओली बाहेक अरुलाई नेता नमान्ने भन्दै सन्देश पठाएको बुझिएको छ ।

नेम्वाङको ‘मेरो नेता केपी ओली हो, म भन्दा सिनियर अरु छैन । यदि मलाई उपाध्यक्षमा राख्ने हो भने वरिष्ठ उपाध्यक्ष पद नै खारेज गरौं ।’ भन्ने सन्देश लिएर राई ओलीलाई भेट्न पुगेका हुन् ।

नेम्वाङले यस्तो सन्देश पठाएसँगै ओलीलाई प्रतिनिधि छनौट गर्न झन सकस हुने देखिएको छ ।

यस्तै ओलीले महासचिवमा शंकर पोखरेललाई प्रस्ताव गरेका छन् । अर्का दावेदार विष्णु पौडेललाई उपाध्यक्षमा बस्न आग्रह गरेका छन् । तर, पौडेल सहमत भइसकेको छैन ।

१० बुँदे सहमति गरेर एमालेमा बसेका नेताहरुको समेत आफूलाई समर्थन गरेको भन्दै उनी पोखरेललाई महासचिव छाड्न तयार भएका छैनन् ।