काठमाडौं । नेपालमा पछिल्लो २४ घण्टामा थप २१३ जनामा कोरोना संक्रमण पुष्टि भएको छ। देशभरि ६ हजार ६ हजार ६३२ जनाको नमूना परीक्षण गर्दा यी संक्रमित देखिएको स्वास्थ्य मन्त्रालयले जानकारी दिएको छ।

मन्त्रालयका अनुसार ४ हजार ९०७ जनाको पीसीआर परीक्षण गदा १९७ जना र १ हजार ७२५ जनाको एन्टिजेन परीक्षण गर्दा १६ जनामा कोरोना संक्रमण देखिएको थियो।

त्यस्तै पछिल्लो २४ घन्टामा ३२५ जना संक्रमित कोरोनामुक्त भएका छन् भने एकैदिन तीन जना संक्रमितको मृत्यु भएको छ।

मन्त्रालयका अनुसार नेपालमा ७ हजार १५६ जना सक्रिय संक्रमित रहेका छन्।