काठमाडौँ । प्रधानन्यायाधीश चोलेन्द्र शमशेर जबरालाई महाअभियोग लगाउन र उनको सम्पत्ति छानबिन गर्न माग गर्दै पेसागत संस्था र बृहत् नागरिक आन्दोलनले मार्चपास ‘न्याय-मार्च’ गरेको छ ।

बिहीबार दिउँसो प्रधानन्यायाधीश जबराविरुद्ध प्रदर्शन गर्दै आएको नेपाल बार एशोशिएसनसहित विभिन्न ७ विभिन्‍न पेसागत संगठनहरुको अगुवाइमा सर्वोच्च-बालुवाटार मार्चपास सुरु भएको हो।

मार्चपासमा नेपालबार सहित नेपाल पत्रकार महासंघ, शिक्षक महासंघ, इन्जिनियर्स एसोसिएसन, जनस्वास्थ्य संघ, आदिवासी जनजाति महासंघ र बृहत् नागरिक आन्दोलनको पनि सहभागिता छ ।

मार्चपास माइती घर मण्डला-भद्रकाली-सडक-रत्नपार्क हुँदै बालुवाटार जाने बताइएको छ।

गत कर्क्तिक १४ गते सर्वोच्चका १८ न्यायाधीशहरुसहित नेपालबारमा आबद्ध न्यायाधीशहरुले प्रधानन्यायाधीश जबरामाथि मन्त्रिपरिषद विस्तारमा भागबन्डा खोजेकोदेखि बिचौलियासँगसाँठगाँठ गरेको आरोप लगाउदै प्रदर्शन गर्दै आएका छन्।