बुटवल । बुटवल उपमहानगरपालिका–३ का वडाध्यक्ष लालप्रसाद बस्यालको मृत्यु भएको छ ।

सोमबार दिउँसो शौचालय जाने क्रममा लडेर बेहोस भएका वडाध्यक्ष बस्यालको अस्पताल लैजादै गर्दा बाटोमै मृत्यु भएको हो।

पारिवारिक स्रोतका अनुसार लडेर अचेत भएका बस्याललाई उपचारका लागि बुटवलस्थित सिद्धबाबा अस्पतालमा लगिएको थियो।

तर, अस्पतालमा पुर्‍याइसक्दा अस्पतालले उनलाई मृत घोषणा गरेको थियो । ७३ वर्षीय बस्याल क्यान्सरका रोगी रहेको परिवारिक स्रोतले जनाएको छ।