काठमाडौं । पछिल्लो २४ घण्टामा देशभर थप २ सय ३८ जनामा कोरोना सङ्क्रमण पुष्टि भएको छ भने सोही अवधिमा ३७० जना सङ्क्रमणमुक्त भएका छन् ।

स्वास्थ्य तथा जनसंख्या मन्त्रालयका अनुसार ७ हजार ८४५  पीसीआर परीक्षणमा २३२ र १ हजार २७८ एन्टिजेन परीक्षणमा ६ जना गरी २३८ जनामा संक्रमण पुष्टि भएको हो।

पछिल्लो २४ घण्टामा जम्मा ९ हजार १२३ जनाको कोरोना परीक्षण गरिएको मन्त्रालयले जनाएको छ ।

यस्तै, मन्त्रालयका अनुसार हाल देशभर ७ हजार १६४ जना सक्रिय सङ्क्रमित रहेका छन् । नेपालमा निको हुने दर ९७.७ प्रतिशत रहेको छ ।

त्यस्तै, कोरोना सङ्क्रमणबाट थप १ जनाको मृत्यु भएको छ । हालसम्म देशमा कोभिड–१९ बाट ज्यान गुमाउनेको सङ्ख्या ११ हजार ४९६ को पुगेको छ ।

देशभर पछिल्लो २४ घण्टामा थप  ४० हजार ०१४ जनाले कोरोनाविरुद्धको खोप लगाएका छन् ।