एजेन्सी । पाकिस्तानको सिन्धु प्रान्तमा एक ११ बर्षीय बालकमाथि यौन दुर्व्यवहार (बलात्कार) भएको खबर सार्वजनिक भएको छ। साथै, बलात्कारपछि ती बालकको हत्या समेत गरिएको बताइएको छ।

पाकिस्तानी समाचार संस्था एक्सप्रेस ट्रिव्युनका अनुसार गत शुक्रबार साँझ गुरु नानकको जन्मजयन्ती मनाउने क्रममा सिन्धु प्रान्तबाट हराएका थिए । उनको शब शनिबार दिउँसो एउटा घरमा फेला परेको थियो ।

११ वर्षीय बालकको हत्याअघि उनलाई यौन दुर्व्यवहार भएको एक प्रहरी अधिकारीले बताएको समाचारमा उल्लेख गरिएको छ ।

हत्यामा संलग्न रहेको आरोपमा तीन जना पक्राउ परेका छन् । सिन्ध प्रान्तमा एक महिनामा बालकको यौन दुर्व्यवहार भएको यो दोस्रो घटना हो ।