काठमाडौं । नेपाली चलचित्र ‘चपली हाइट ३’को अफिसियल ट्रेलर सार्वजनिक भएको छ । निर्माण टिमले एक कार्यक्रमको आयोजना गर्दै ट्रेलर सार्वजनिक गरेको हो।

उक्त ट्रेलर २ मिनेट ३६ सेकेण्ड लामो छ। निर्माण टिमका अनुसार फिल्म पुस २ गते रिलिज हुँदैछ। सार्वजनिक ट्रेलरमा चलचित्रमा शीर्ष भूमिकामा रहेका अधिकांश कलाकारहरुलाई देखाइएको छ।

अर्जुन कुमारको निर्माण तथा निकेश खड्काको निर्देशन रहेको चलचित्र क्राइम थ्रिलर जनरामा बनेको हो। चलचित्रमा स्वस्तिमा खड्का, आमिर गौतम, सुपुष्पा भट्ट, महेश त्रिपाठी, अर्पण थापा लगायतका कलाकार शीर्ष भूमिकामा छन् ।

त्यस्तै प्रतीकमान श्रेष्ठ, दीपाश्री निरौला, लक्ष्मी बर्देवा, लोकेन्द्र लेखक, विशाल पहारी, जीवन भट्टराई, सुष्मा निरौला लगायतका कलाकारको समेत चलचित्रमा अभिनय छ।