एजेन्सी । मध्येप्रदेशको राजधानी भोपालमा रहेको नर्मदा अस्पतालका डाक्टरले असम्भवजस्तो देखिने काम सम्भव गराएका छन्। उक्त अस्पतालमा एक महिलालाई दुबै हात काटिएको र गम्भीर अवस्थामा भर्ना गरिएको थियो।

तत्काल उपचारमा खटिएका ६ डाक्टरले ९ घण्टा सर्जरी गरेर महिलाको दुबै हात जोडिदिएका छन्। हाल महिलाको स्वास्थ्य अवस्था ठीक रहेको छ। मुश्किल सर्जरी सफल भएपछि डाक्टरको टिम उत्साहित भएको छ।

उनलाई नोभेम्बर ११ मा गम्भीर अवस्थामा अस्पताल लगिएको थियो। महिलाका ससुराले तरबारबाट उनको दुवै हात काटिदिएका थिए। उनको अनुहारमा पनि चोट लागेको थियो।