काठमाडौं । बलिउड अभिनेत्री तथा पन्जाव किंग्स इलाभेन (आईपीएल) टिमकी ‘ओनर’ प्रीति जिन्टाले सरोगेसीको माध्यमबाट जुम्ल्याहा बच्चालाई जन्म दिएकी छिन्।

४६ वर्षीया प्रीतिले सामाजिक सञ्जाल फेसबुकबाट आफू आमा बनेको जानकारी दिएकी हुन् ।

सामाजिक सञ्जालमा उनले लेखेकी छिन्, ‘जीन र म अति हर्षित छौं, हाम्रो हृदय धेरै कृतज्ञता र धेरै मायाले भरिएको छ । किनकी हामीले हाम्रा जुम्ल्याहा बच्चाहरू (जय जिन्टा गुडइनफ र जिया जिन्टा गुडइनफ)लाई हाम्रो परिवारमा स्वागत गरेका छौं।’

यस्तै, प्रीतिले जिन्दगीको नयाँ यात्रालाई लिएर निक्कै नै उत्साहित भएको पनि लेखेकी छन् । उनले लेखेकी छन्, ‘म डाक्टर र नर्सका साथै सबैलाई यो सुखद् यात्राका लागि धन्यवाद दिन चाहन्छु । सबैलाई धेरै माया ।’

प्रीतिले १० वर्ष कान्छा अमेरिकी नागरिक जेन गुडइनफसँग सन् २०१६ फ्रेब्रुअरी २९ तारिखमा विवाह गरेकी थिइन् ।