नयाँ दिल्ली । अमेरिका र चीन विश्वका ठूला आर्थिक महाशक्तिहरू हुन्, जो एकअर्कासँग प्रतिस्पर्धामा गरिरहेका छन्। एउटा महाशक्ति बनिरहन चाहन्छ भने अर्को महाशक्ति बन्न चाहन्छ।

यसैबीच अमेरिकी राष्ट्रपति जो बाइडेन र चिनियाँ राष्ट्रपति सी जिनपिङबीच आज बैठक हुँदैछ। कोरोना संक्रमण, साउथ चाइना सीमा चीनको गतिविधि, मानवअधिकार उल्लङ्घनजस्ता धेरै विषयमा अमेरिका चीनसँग आक्रोशित भएको छ। र पनि आज दुई आर्थिक महाशक्तिबीच भर्चुअल बैठक हुन लागेको हो।

यो भर्चुअल बैठकमा दुवै देशले वास्तविक मुद्धाकाविषयमा कुराकानी गर्ने सम्भावना छ।

हजारौं माइल टाढाबाट सुल्झिएला तनाव ?

विश्वको नक्सामा अमेरिका र चीन एकअर्काबाट ११ हजार किलोमिटरभन्दा बढीको दुरीमा छन्। तर वास्तविकतामा महाशक्ति अमेरिका र महाशक्ति बन्न चाहने चीनबीचको दुरी योभन्दा धेरै हुनेछ। किनभने यी देशबीचको तनाव बढ्दो छ। त्यहाँ विवाद छ।

यो तनावको बीचमा जो बाइडेन र सी जिनपिङको भर्चुअल बैठक हुन लागेको हो। यो जानकारी ह्वाइट हाउसका प्रेस सचिव जेन साकीले एक आधिकारिक विज्ञप्तिमार्फत दिएका हुन्।

बाइडेन र जिनपिङबीचको भेटको अर्थ के ?

कूटनीतिले तनावपूर्ण सम्बन्ध भएका दुई देशलाई पनि बैठकमा आमनेसामने उभ्याउँछ। अमेरिका र चीनको यो भेट त्यसको प्रमाण हो। यो भेट अचानक भएको होइन, तर अक्टोबरमा अमेरिकी राष्ट्रिय सुरक्षा सल्लाहकार ज्याक सुलिभान र चीनका विदेश नीति सल्लाहकार याङ जिइजीबीच ६ घण्टासम्म चलेको बैठकमा यो निर्णय भएको हो।

भारतका लागि यो बैठकले के अर्थ राख्छ ?

जब जो बाइडेन वाशिंगटन डीसीबाट भर्चुअल बैठकमा भाग लिनेछन्, तब भारतमा मंगलबार बिहान भएको हुन्छ।

चीनबाट बैठकमा वार्ताको विषय प्रष्ट नभए पनि स्रोतका अनुसार विस्तारवादी चीनले भारत–चीन सीमा विवादको पनि उल्लेख गर्न सक्ने बताइएको छ। चीन अमेरिका सम्बन्ध सुध्रिएमा भारत आफूहरु अप्ठ्यारो भएको महसुस गर्न सक्छ।