एजेन्सी । आइसिसि टी–२० विश्वकपको उपाधिका लागि न्युजिल्याण्डले अस्ट्रेलियालाई १ सय ७३ रनको लक्ष्य दिएको छ।

कप्तान केन विलियमसनको विस्फोटक पारीको मद्दतले न्युजिल्याण्डले ४ विकेटको क्षतिमा १ सय ७२ रन बनाएको हो। विलियमसनले मात्र ४८ बलमा ८५ रन बनाए। त्यस्तै ओपनर मार्टिन गुप्टिलले २८ रनको योगदान दिए भने ग्लेन फिलिप्सले १८ रन बनाए।

अस्ट्रेलियका लागि हेजलवुडले किफायती बलिङ गर्दै ४ ओभरमा मात्र १६ रन खर्चेर ३ विकेट लिए भने एडम जाम्पाले पनि २६ रन खर्चदै १ विकेट लिए। दुवै टोली पहिलो टी–२० विश्वकप उपाधि जित्ने दाउमा रहेका छन्। अस्ट्रेलिया दोस्रोपटक फाइनलमा पुगेको हो भने न्युजिल्याण्ड पहिलोपटक फाइनल खेलेको हो।