काठमाडौं । आफन्तका नाममा सहायक कम्पनी खडा गरेर अरबौं रकम हिनामिना गरेका सिभिल समूहका अध्यक्ष तथा पूर्व सांसद ईच्छाराज तामाङ विरुद्ध १४ सय ११ जनाले उजुरी दिएका छन् ।

एक महिना १० दिनदेखि छानविनका लागि नेपाल प्रहरीको केन्द्रीय अनुसन्धान ब्यूरो (सिआईबी)को हिरासतमा रहेका तामाङविरुद्ध ५ अर्ब ४९ करोड विगो रकम माग भएको छ ।

तामाङले सञ्चालन गरेको सिभिल सहकारीले विभिन्न व्यक्तिको ८ अर्ब भन्दा बढी रकम ठगी गरेको आरोपमा उनी पक्राउ परेका हुन् । सिआइबीले असोज १८ गते तामाङ, सिभिलि सहकारीका अध्यक्ष तथा उनका मामा ससुरा पर्ने केशवलाल श्रेष्ठसहित १२ जना कर्मचारीलाई पक्राउ गरेको थियो ।

सिआईबीले तामाङलाई भोली म्याद थप्ने जनाएको छ । उनी विरुद्ध संगठीत अपराध र ठगीमा अनुसन्धान भइरहेको छ ।