काठमाडौं । प्रधानन्यायाधीश चोलेन्द्र शमशेर जबरा आजपनि अर्कै चोरबाटो प्रयोग गरेर अदालत प्रवेश गरेका छन् ।

आइतबार पनि आफूविरुद्ध नेपाल बार एसोसिएसनले अदालत प्रवेशमा रोक लगाएपछि प्रधानन्यायाधीश जबरा चोरबाटोमार्फत् सर्वोच्च प्रवेश गरेका हुन्।

कानुन व्यवसायीले सर्वोच्च प्रवेश गर्ने मुल ढोका र महान्यायाधिवक्ता कार्यालय अघिका दुईवटा गेटमा धर्ना दिएपछि जबरा तेस्रो गेटबाट प्रवेश गरेका हुन् । यसअघि गत शुक्रबार पनि जबरा सर्वोच्चको दोस्रो गेटबाट प्रवेश गरेका थिए।

अदालत छिर्न सर्वोच्च अदालतअघि दुईवटा, नेपाल बार एसोसिएसन कार्यालय छेउमा अर्को, महान्यायाधिशवक्ता कार्यालयभित्रबाट छिर्ने अर्को सानो ढोका र सिंहरदरवार भित्र रहेको अदालतको एनेक्स भवनमा अर्को गेट छ ।

जबरा अघिल्ला ढोका बन्द भएपछि एनेक्स भवनपट्टीको गेटबाट अदालत प्रवेश गरेका हुन् ।

यसअघि जबराले आफ्नो निवासबाटै मुद्दाको पेसी तोकेका थिए । जसमा जबराले आफूबाहेकका १० वटा इजलास गठन गरेका छन् ।

उनले एउटा एकल र नौवटा संयुक्त इजलासका लागि २७२ मुद्दाको पेसी तोकेका छन् ।