काठमाडौं । अभिनेता पल शाह र अभिनेत्री पूजा शर्मा अभिनित फिल्म ‘म यस्तो गीत गाउँछु २’ माघ १९ अर्थात फेब्रुअरी २ देखि प्रदर्शन हुने भएको छ ।

फिल्मका निर्देशक सुदर्शन थापाले उक्त मितिबाट फिल्म हलहरुमा लाग्ने जानकारी दिएका छन् ।

‘म यस्तो गीत गाउँछु २’ प्रेमकथामा आधारित फिल्म हो । त्यसकारण फिल्मको रिलिज मिति प्रेम दिवससँम मेल गराइएको हो । यस अगाडि वि.सं २०७६ फागुन ३० गते रिलिज हुने तरखरमा रहेको फिल्म कोरोनाको कारण रिलिज हुन भने सकेको थिएन ।

निर्माण युनिटले फिल्मको एक नयाँ पोष्टर समेत अहिले सार्वजनिक गरेको छ । सुदर्शन थापा र पूजा शर्माको निर्माण रहेको फिल्मका सह–निर्माता जन्म जय सम्पाङ राई हुन् ।

फिल्ममा पूजा शर्मा, पल शाह, हरिहर शर्मा, दिनेश डीसी, राजा राजेन्द्र पोखरेल, गणेश गिरी लगायतको मुख्य भूमिका छ।