अछाम । नेपाल कम्युनिष्ट पार्टी (नेकपा) एमालेका उपाध्यक्ष भीम रावलले १०औं महाधिवेशनमा अध्यक्षमा आफ्नो उम्मेद‍्वारी घोषणा गरेका छन ।

मंगलबार आफ्नो गृहजिल्लामा आयोजित एक कार्यक्रममा बोल्दै उपाध्यक्ष रावलले एमाले अध्यक्षमा उम्मेद‍्वारी घोषणा गरेका हुन् ।

उनले आफू कार्यकर्ताको भावना अनुसार पार्टी अध्यक्षमा लड्ने तयारीमा जुटेको बताए ।

‘मैले कार्यकर्तालाई आफू कुन पदमा उठ्दा उपयुक्त होला भनेर सोधेको थिए, कार्यक्रममा उपाध्यक्ष रावलले भने, ‘उहाँहरूले अध्यक्ष पदमा लड्न आग्रह गरिरहनु भएको छ। ‘

कार्यक्रममा नेकपा एमाले साँफेबगर नगर संगठन कमिटीका अध्यक्ष ललित कुँवरसहित स्थानीय नेताहरुको उपस्थिति रहेको थियो।

महाधिवेशन आगामी मङ्सिर १० देखि १२ गतेसम्म चितवनमा हुँदैछ।