काठमाडौं । प्रहरी महानिरीक्षक (आईजीपी) शैलेश थापा क्षेत्री अन्तर्राष्ट्रिय अपराध प्रहरी संगठन(इन्टरपोल) को ८९ औं साधारण सभामा भाग लिन टर्की जाने भएका छन् ।

प्रहरी प्रधान कार्यालयका अनुसार आईजीपी क्षेत्री नेतृत्वको टोली आगमी मंसिर ५ गते टर्की जाने तय भएको हो ।

सम्मेलनमा आईजिपी थापासहित अपराध अनुसन्धान विभागका एआईजी प्रद्युम्न कार्की, इन्टरपोल शाखाका अधिकारीलगायत प्रहरी अधिकारीहरु टर्की जान लागेको प्रहरी कार्यालयले बताएको छ ।

आगामी ७ मंसिरदेखि ९ मंसिरसम्म टर्कीको राजधानी इस्तानबुलमा इन्टरपोलको ८९ औं साधारण सभा हुँदैछ ।

आईजीपी क्षेत्रीको यो पहिलो विदेश भ्रमण हो ।