विराटनगर । जिल्ला कारागार मोरङमा कैदी बन्दीबीच झडप भएको छ । झडपमा ६ जना घाइते भएका छन् ।

जिल्ला प्रहरी कार्यालय, मोरङका अनुसार कारागारका चौकीदार र कैदीबन्दीहरू झडप भएको हो ।

उनीहरुबीच खानाको विषयलाई लिएर झडप भएको प्रहरीले जनाएको छ। यद्यपि यसबारे थप जानकारी आउन बाँकी रहेको प्रहरीको भनाइ छ।

झडपमा परेर घाइते हुनेमा चौकिदार किरण गुरुङ र नाइकेहरु शेखर राई, निर्मल ढकाल, बिशाल मुक्ताङ, डिल्ली देवान र सूर्यदीप गुप्ता रहेको बताइएको छ ।

उनीहरूलाई उपचारका लागि कोशी अस्पताल पठाउने तयारी गरिएको मोरङ प्रहरीले जनाएको छ।