काठमाडौं ।  पछिल्लो २४ घण्टामा थप ३९० जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालय जनाएको छ।

मन्त्रालयका अनुसार सोमबार २ हजार ६०६ पीसीआर परीक्षणमा ३७१ जना र २ हजार ४२० एन्टिजेन परीक्षणमा १९ जना गरी ३९० जनामा संक्रमण पुष्टि भएको हो ।

मन्त्रालयका अनुसार पछिल्लो २४ घण्टामा कोरोना संक्रमणका कारण ५ जनाको मृत्यु भएको छ भने सोही अवधिमा ४२५ जना संक्रमणमुक्त भएका छन् ।

हाल देशभर कोरोना भाइरसको सक्रिय संक्रमितको संख्या ७ हजार ६५४ जना रहेको पनि मन्त्रालयले जनाएको छ ।

यसअघि हिजो आइतबार १४३ जनामा संक्रमण पुष्टि हुँदा ५६३ जना डिस्चार्ज भएका थिए ।