एजेन्सी । बलिउड अभिनेत्री कट्रिना कैफ र अभिनेता विक्की कौशलले एकसाथ दीपावली मनाएका छन्।

कट्रिना र विक्की अलग अलग गाडीमा आरती शेट्टीको पार्टीमा पुगेका थिए। कट्रिनाले पिंक सारी लगाएकी थिइन् भने विक्कीले डार्क ब्लु कलरको कुर्ता लगाएका थिए।

विक्कीले पैपराजीलाई देखेर हेलो भनेका थिए। कट्रिनाले मिठो स्माइल दिइन्। पछिल्ला दिनहरुमा उनीहरुले विवाहको तयारी गरिरहेको बताइएको छ। विक्कीले कट्रिनालाई घरमै गएर प्रपोज गरेको भारतीय सञ्चारमाध्यमले उल्लेख गरेका छन्।

उनीहरुको विवाह डिसेम्बरको पहिलो हप्ता हुने अनुमान गरिएको छ। पार्टीपछि दुबै जनाले आ–आफ्नो तस्वीर शेयर गरेका छन्।