काठमाडौँ । अधिवक्ता ऋषिराम घिमिरेले न्यायालय गम्भीर मोडमा उभिएको बताए ।

मंगलबार नेपाल बार एसोसिएसनले जारी राखेको आन्दोलनका क्रममा बोल्दै अधिवक्ता घिमिरेले यस्तो बताएका हुन्।

प्रधानन्यायाधीश प्रकरणमा राजनीतिक दलहरु मौन बसेमा आक्रोशित हुँदै घिमिरेले भने, ‘न्यायपालिकामा आगो दन्किएको छ । दलहरू टुलुटुल हेरेर बसेका छन्।’

प्रधानन्यायाधीश जबराको राजीनामा माग गर्दै नेपाल बार एसोसिएसन र सर्वोच्च अदालत बार एसोसिएसनले तेस्रो दिन पनि सर्वोच्च अदालत परिसरमा धर्ना दिएको छ ।

धर्नाका क्रममा उनीहरुले कुनै पनि हालतमा जबराको राजीनामा बाहेक अन्य विकल्प नमान्ने उद्घोष गरेका छन् ।